"Достық" жазғы сауықтыру лагеріндегі семинар

Ю.Гагарин атындағы №29 орта мектебінің жанынан құрылған "Достық" жазғы сауықтыру лагерінде "Менингококкты инфекцияның негізгі клиникалық белгілері, эпидемияға қарсы және алдын алу шаралары" тақырыбында семинар өтті. Семинарға №6 қалалық емхананың дәрігер инфекционист М.Аюбекова, дәрігер эпидемиолог Ю.Вышпольская, балалар бөлімінің бас медбикесі Д.Оспанова, мектеп медбикесі А.Айдарова қатысты. Сала мамандары инфекцияның алдын алу жайында сөз қозғады. мектеп лагерінде аурудың алдын алу жұмыстары күшейтілген. Семинар барысында мектеп директоры Ғ.Сламов аурудың алдын алуға кешенді шараларды бірлесе жүзеге асырудың арқасында нәтижелерге қол жеткізуге болатынын айтып өтті.